හදුන්ගිර නිවාඩු නිකේතනයේ කාමර ගාස්තු සහ ඔබ අවධානය යොමු කළ යුතු කරුණු :
01. මහාවාසල කාමරය
එක් රාත්‍රියක් සදහා රු.4000.00 කි.
උණු වතුර/ වායු සමීකරණ සදහා අමතර රු.1000.00 ක් එක් රාත්‍රියක් සදහා අය කරනු ලැබේ.
පැය 04කට අඩු කාලය සදහා රු.2500.00 කි.
මෙම කාමරයේ වැඩිහිටි 03 දෙනෙකු සදහා පමණි.
02. ඇතුල්වාසල කාමරය
එක් රාත්‍රියක් සදහා රු.6500.00 කි.
උණු වතුර/ වායු සමීකරණ සදහා අමතර රු.1000.00 ක් එක් රාත්‍රියක් සදහා අය කරනු ලැබේ.
පැය 04කට අඩු කාලය සදහා රු.3500.00 කි.
මෙම කාමරයේ වැඩිහිටි 06 දෙනෙකු සදහා පමණි.
03. පිටවාසල කාමරය
එක් රාත්‍රියක් සදහා රු.3000.00 කි.
උණු වතුර/ වායු සමීකරණ සදහා අමතර රු.1000.00 ක් එක් රාත්‍රියක් සදහා අය කරනු ලැබේ.
පැය 04කට අඩු කාලය සදහා රු.1500.00 කි.
මෙම කාමරයේ වැඩිහිටි 02 දෙනෙකු සදහා පමණි.
හදුන්ගිර සංචාරක නිවාඩු නිකේතනය මුළුමනින්ම සංචාරක කණ්ඩායමක් විසින් පරිහරණයට ලබා දීමේ ගාස්තුව රු.15,000.000 කි. ඊට නවාතැන් ගැනීමට හැකි මුළු සංඛ්‍යාව 12 කි. මෙම සංඛ්‍යාව ඉක්මවා හදුන්ගිර නිවාඩු නිකේතනයේ නවාතැන් ගත හැකි උපරිම සංඛ්‍යාව 27 කි. අමතර 15 සදහා නවාතැන් ගත හැකි වන පරිදි සංචාරක ඇදවල් ක්‍රමානුකූල පිළිවෙලකට අනුව සකස් කර දෙනු ලැබේ. එම එක් ඇදක් සුව පහසු ලෙස සකස් කර නෙට් එකක් ලබා දෙනු ලැබේ. සංචාරක බැතිමතුන් සංඛ්‍යාව 27 ඉක්මවන විට, සංචාරක නිවාඩු නිකේතනය සියලු ම දෙනා සහයෝගයෙන් පරිහරණය කළ යුතුය. පුද්ගල සංඛ්‍යාව 27 වන විට සම්පූර්ණ ගාස්තුව රු.25,000.00 කි. බැතිමතුන් සංඛ්‍යාව 27 ඉක්මවන විට එක් සංචාරකයෙකු සදහා බරපැන රු.500.00 කි. සංචාරක කණ්ඩායමට මහා සංඝ රත්නය සහ ගර්භනී මාතාවන් ඇතුළත් නම්, නොමිලේ පහසුකම් සපයනු ලැබේ. ඓතිහාසික අනුරාධපුරයට ආයුර්වේද හෝ වෙනත් සෞඛ්‍ය ප්‍රතිකර්ම ලබා ගැනීමට පැමිණෙන රෝගීන්ට ගාස්තුවෙන් අඩක් පමණක් අය කරනු ලැබේ. සංචාරක අවශ්‍යතාවය අනුව බැතිමතුන් සමග ගාස්තු පිළිබද තවදුරටත් කාරුණික වීමට හදුන්ගිර කළමනාකරණ මණ්ඩලය කටයුතු කරනු ඇත. හදුන්ගිර තුළ ගව මස් සහ ඌරු මස් පරිභෝජනය සපුරා තහනම්. මත්පැන් සාද පැවැත්වීම සදහා බාහිර පුද්ගලයන්ට අවස්ථා නැත. නවාතැන් ගත් සංචාරකයන් පෙ.ව 10ට ප්‍රථම පිට විය යුතු අතර, ප.ව 2න් පසුව නව සංචාරක කණ්ඩායම්වලට ඇතුළු විය හැකිය. රාත්‍රී 10න් පසු ප්‍රධාන ගේට්ටුව වසන අතර, බැතිමතුන්ගේ අවශ්‍යතාවලට අනුව ඕනෑම අවස්ථාවක ආගමික අවශ්‍යතා සදහා පැමිණීමට සහ පිටවීමට හැකියාව ඇත. කිරි ආහාර සකස් කර ගැනීම සදහා අදාළ පහසුකම් පුණ්‍ය කටයුත්තක් සේ සලකා නොමිලේ සපයනු ලැබේ. උදෑසන කිරි තේ, දිවා සහ සන්ධ්‍යා තේ, බීමට අවශ්‍ය ජලය, උදෑසන, දිවා, සහ රාත්‍රී ආහාර පහසු මිලට ගත හැක. ඔබේ අවශ්‍යතා අනුව ඉවුම් පිහුම් සදහා උපකරණ සහ ගෑස් මෙන්ම මුළුතැන්ගෙය මුළුමනින්ම දෙනු ලැබේ. උයන ආහාර වේල් අනුව ගෑස් සදහා සාධාරණ බරපැනක් අය කරනු ලැබේ. ඔබට අවශ්‍ය ආහාර ද්‍රව්‍ය මුළුතැන්ගෙය වෙත ලබා දීම තුළින් ආහාර සකස් කරගත හැකි අතර, ඒ සදහා සාධාරණ බරපැනක් ඔබ විසින් දැරිය යුතුය. නුවර වැවේ දිය නෑම සදහා දිරිමත් කරනු නොලැබේ. වැවේ දිය නාන්නේ නම්, ඒ පිළිබද ආරක්ෂාව ඔබ විසින් සහතික කරගත යුතුය.
ශ්‍රී ලංකාවේ දස දෙසින් ඓතිහාසික අනුරාධපුරය පූජනීය පෙදෙසට සංචාරය සදහා පැමිණෙන බැතිමතුන්ට බෞද්ධාගමික වැඩසටහන් හඳුන්ගිර නිවාඩු නිකේතන පරිශ්‍රයේදී පැවැත්වීමට අවස්ථාව ඇත.
දානමය පිංකම්, ධර්ම දේශනා, භාවනා වැඩසටහන්, උපන්දින ආගමික වැඩසටහන්, ගැබිණි මව්වරුන් සහ ජ්‍යෙෂ්ඨ පුරවැසියන් සඳහා ආගමික වැඩසටහන්, කාව්‍යමය ධර්ම දේශනා, ධර්ම සාකච්ඡා, සෙත් පිරිත් සජ්ඣායනා ඇතුළු බෞද්ධාගමික වැඩසටහන් මීට ඇතුළත් වේ. මහා සංඝරත්නය වැඩම කරදීම, පිරිකර සම්පාදනය ඇතුළු ආගමික වැඩසටහන් ආරම්භයේ සිටම අවසානය දක්වාම ඉතා විධිමත් හා සැලසුම් සහගතව, වගකීමක් සහිතව හඳුන්ගිර කළමනාකරණය විසින් ඉටු කර දෙනු ලැබේ. එහිදී, ඉතා සාධාරණ බරපැනක් ඔබ විසින් දැරිය යුතුය. අනුරාධපුරය සංචාරය සදහා පැමිණෙන ඔබට පූජනීය පෙදෙස නෙත ගැටෙන මානයේ සිට සංචාරයට අලුත් අර්ථයක් ලබා දීමට මෙම වැඩසටහන තුළින් අවස්ථාව උදා වේ.
සුන්දර උදෑසන සහ සන්ධ්‍යාවේ පමණක් වැඩසටහන් සඳහා අවස්ථාව හිමි වේ. දානමය පින්කම් සඳහා උපරිම ස්වාමීන් වහන්සේලා සංඛ්‍යාව 12 කි. අනුරාධපුර භික්ෂු විශ්වවිද්‍යාලයේ කථිකාචාර්‍යය හිමි නමක් වැඩසටහන මෙහෙයවනු ලැබේ. කිසිදු දේශපාලන හෝ ඊට සමගාමී පිංකම් සඳහා මෙහි අවස්ථාව නැත.
*වැඩසටහන ආශ්‍රිත විස්තරය*
ස්වාමීන් වහන්සේලා වැඩම කරවීමේ ප්‍රවාහන ගාස්තුව රු. 3500.00 කි. (භික්ෂු විශ්ව විද්‍යාලයේ සිට හඳුන්ගිර දක්වා)
ව්‍යංජන 07 ඇතුළුව බත් වර්ග 02, ඉදි ආප්ප ඇතුළු හීල් දානය එක් ස්වාමීන් වහන්සේ නමක් සදහා රු. 2450.00 කි. (ස්වාමීන් වහන්සේලා උපරිම 12 කි)
ව්‍යංජන 07 ක් ඇතුළුව බත් වර්ග 03 ක් සහිත දවල් දානය එක් ස්වාමීන් වහන්සේ නමක් සඳහා රු. 2950.00 කි. (බාස්මතී, කීරි සම්බා - රතු/සුදු )
පූජා භාණ්ඩ (අටපිරිකර, කුඩ, වටාපත්) සදහා අවශ්‍යතාවය අනුව බරපැන තීරණය වේ.
ස්වාමීන් වහන්සේලා සදහා ගිලන්පස/අතුරුපස අවශ්‍ය පරිදි සපයනු ලැබේ.(ද්‍රව්‍යය අනුව බරපැන වෙනස් වේ)
හඳුන්ගිර භූමියේ, අමතර තාවකාලික ආවරණ ඉදි කළ හැකි අතර, ඒ සදහා නියමිත සේවා ආයතනය මගින්, ඉදි කරවීමද ඉවත් කිරීමද එකී සංවිධානය විසින් ඉටු කරනු ලැබේ.(අදාළ ගාස්තු පමණි)
සියලු වැඩසටහන් කළමනාකරණය හඳුන්ගිර විසින් ඉටු කරන අතර, එය රු. 3000/- සිට 20,000/- දක්වා බරපැනකි.
මෙම විශේෂ බෞද්ධාගමික වැඩසටහන් සදහා හඳුන්ගිර නිවාඩු නිකේතනයේම නවාතැන් ගැනීම අත්‍යාවශ්‍ය නොවේ. අවශ්‍ය නම්, උපරිම 25 දෙනෙකුට නවාතැන් ගැනීමට අවස්ථාව ඇත. වැඩිහිටි නේවාසිකයන් 07-11 දක්වා රු. 12,500/- කි. වායු සමීකරණ හා උණුවතුර පහසුකම් සදහා එක් කාමරයකට රාත්‍රියකට රු.1000/- කි. උපන්දින කේක් සදහා අදාළ නිර්මාණය අනුව බරපැන වෙනස් වේ.
ගැබිණි මව්වරුන්, ජ්‍යෙෂ්ඨ පුරවැසියන් සහ හෙළ වෙදකම් සදහා අනුරාධපුරයට පැමිණෙන රෝගීන් සදහා ගාස්තුවෙන් අඩකි. එය මුළුමනින්ම පුණ්‍ය ක්‍රියාවක් ලෙස සලකා සම්පූර්ණ සහයෝගය ලබා දෙනු ඇත.
