நமது சருமம் மிகவும் சென்சிடிவ் ஆனது. அதற்கு சருமப் பராமரிப்பு பொருள்களைத் தேர்வு செய்யும்போதும் பயன்படுத்தும் போது மிகுந்த கவனத்துடன் இருக்க வேண்டும். குறிப்பாக நம்முடைய சரும வகை என்ன என்பதை தெரிந்து கொண்டு அதற்கேற்ப சருமப் பராமரிப்பு பொருள்களைத் தேர்வு செய்ய வேண்டும்.
நம்முடைய சருமத்திற்கு ஆட்டுப்பால் பயன்படுத்தும் போது, அது சருமத்துக்குத் தேவையான ஊட்டச்சத்துக்களைக் கொடுக்கிறது. ஆட்டுப்பால் பயன்படுத்தும் போது சருமத்திற்கு எந்த விதமான பக்க விளைவுகளும் ஏற்படுவதில்லை. நேரடியாக ஆட்டுப்பால் எல்லா நேரத்திலும் பயன்படுத்த முடியாது. கிடைக்கவும் செய்யாது. அதனால் தற்போது மார்க்கெட்டுகளில் அதிக அளவில் ஆட்டுப்பாலை உட்பொருளாகக் கொண்டு தயாரிக்கப்படும் சருமப் பராமரிப்பு பொருள்கள் கிடைக்கின்றன. அவற்றை வாங்கிப் பயன்படுத்தலாம்
ஆட்டுப்பாலில் எந்தவிதமான பக்க விளைவுகளும் இல்லாததால் இதிலிருந்து தயாரிக்கப்படும் இயற்கையான மூலப் பொருட்கள் உங்கள் சருமத்திற்கு ஏற்றதாக இருக்கும்.
பசும்பாலைக் காட்டிலும் இதில் அத்தியாவசிய கொழுப்பு அமிலங்கள் நிறைந்துள்ளன. மேலும் ஆட்டுப் பாலில் கால்சியம், மெக்னீசியம், பொட்டாசியம், வைட்டமின் ஏ மற்றும் வைட்டமின் சி சத்துக்கள் நிறைந்துள்ளது.
ஆட்டுப் பாலை நேரடியாக நமது சருமத்தில் ஃபேஸ் மாஸ்க் போன்று பயன்படுத்தலாம் அல்லது பிற அழகு சாதனப் பொருட்களான மஞ்சள், சந்தனம் போன்றவற்றுடன் கலந்தும் பயன்படுத்தலாம். தினசரி ஆட்டுப்பாலை உங்கள் முகத்தில் தடவி வர உங்கள் முகத்திற்கு பொலிவு கிடைப்பது உறுதி.